เพลงพื้นบ้านภาคเหนือ

ตั้งกระทู้ใหม่

เพลงอื่อจา

อื่ออื่อจ้าจา หลับสองตาแม่ไปนานอกบ้าน
ไปเก็บบ่าส้านใส่ซ้ามาแขวน ไปเก็บบ่าแหนใส่ซ้ามาต้อน
น้องอย่าได้อ้อนแม่ไซ้บ่มา หื้อน้องหลับสองตา
น้องจาตีตี้ตีตี้ติดกั๋น หลับเมื่อวันน้องอย่าได้อ้อน
อออื้ออ้อน หื้อหลับเสียเนอนาย

อื่ออืออื่อจา หลับเสียเต๊อะนา หลับสองต๋าอย่าไห้ ป้อแม่เลี้ยงลูกไว้ ก็นับว่ามีบุญ

หื้อหมั่นไหว้หาคุณ ป้อแม่มาป่าน ป้องกันบุญญาติพี่น้อง เปิ้นได้อุ้มจุมเจยจม
ซ้ำปั๋นกิ๋นน้ำนม หมั่นเกี้ยวป้อนข้าว ว่าเฮาไห้ฮ่ำฮ้อง เปิ้นอื่อ อื้อ อือจา...

อือ..จ้า..จา อี่หล้าหมูม้วย จ้างเข้าห้วย กิ๋นกล้วยกิ๋นแก๋ง ตกเมืองแยง บ่าอ้ายเกี้ยวหมาก
ตกป่าสาก เลี้ยงงัวเลี้ยงควาย ตกป่าดอย เลี้ยงจ้างเลี้ยงม้า..

อือ อื่อ อื้อ อื่อ จา ป้อนายไปท่งสา แม่นายไปนานอกบ้าน เก็บบ่าส้านไส่ถง
เก็บลูกก๋งใส่ซ้า เก็บบ่าห้าใส่ป๊ก หน่วยหนึ่งเอาไว้กิ๋นเมื่องแลง หน่วยหนึ่ง
เอาไว้แลกข้าว หน่วยหนึ่งเอาไว้เป็นเพื่อนเจ้าว่า อื่อ อือ จา..

อือ อือ อือ แม่ไปไหน แม่ไปไหน แม่ไปกาด ไปซื้อหนังปอง ซื้อปี่ลิ้นตอง
อือ อือ อือ แม่ไปไหน ขอไปตวย แม่ไปเก็บลูกก๋งไส่ซ้า อันหนึ่งไว้ซ้ากิ๋นแลง
อันหนึ่งไว้แก๋งกับข้าว..

PS.